(403)             .              SOUS LE RÈGNE DE CHARLES VI.                              163
de Saint Remi soit l'un des diz trois, ou le dit maistre Jehan de Thoisy; es mains desquelx ses executeurs il se dessaisi de tous ses biens quelz­conques et les en volt estre saisiz et vestuz par la teneur de cestuy sien present testament, pour les prendre et appréhender de fait jusques à plain et enterin acomplissement d'icelui testament, qu'il volt valoir par maniere de testament, de codicille, ou ordenance de derreniere vo-lenté, et autrement par la meilleur forme et maniere qui mieulx pourra et devra valoir, et s'i arresta du tout, en revoquant et rappel-lant tous autres testamens et codicilles par lui faiz avant la date de ces presentes ; et pour ce faire et acomplir, il obliga et pour obligez de­laissa tous ses diz biens envers ses diz executeurs. Et en oultre le dit testateur soubzmist et soubzmet par ces presentes à la court du Parle­ment du roy nostre sire à Paris la cognoissance de l'execucion et acom­plissement de cestui sien present testament, la reddicion du compte d'icelui et tout ce qui s'en deppend et y appartient.
En tesmoing de ce, nous, à ia relacion des diz notaires jurez, avons mis le seel de la dicte prevosté de Paris à ces lettres. Ce fu fait et passé l'an de grace mil nu0 et quatre, le jeudi vint six jours du mois de fevrier. T. du Han. J. Guerry.
Colla tio facta est.
Item, à tous ceulx qui ces presentes lettres verront, Guillaume, sei­gneur de Tignonville, chevalier, conseillier, chambellan du roy nostre sire et garde de la prevosté de Paris, salut. Savoir faisons que parde­vant Jehan Guerry et Thomas du Han, clers notaires jurez du roy nostre dit seigneur de par lui establiz en son Chastellet de Paris, fut pour ce present en sa propre personne reverend pere en Dieu, mon­seigneur Jehan Canard, par la permission divine evesque d'Arras, con­seillier du roy nostre dit seigneur, lequel aiant en soy bon memoire, sens et entendement, ja soit ce qu'il fust enferme de corps, de son propre mouvement et de sa certaine science, si comme il disoit, en adjoustant à son testament par lui fait et passé soubz le seel de la dicte prevosté de Paris, le jeudi vint six jours de fevrier, l'an mil quatre
21 .